٥٠١٣: حمیدالطویل نے حضرت انس بن مالک (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) نے فرمایا۔ مجھے یہ حکم دیا گیا کہ میں لوگوں سے اس وقت تک قتال کروں یہاں تک کہ وہ گواہی دیں کہ اللہ تعالیٰ کے سواء کوئی معبود نہیں اور محمد (صلی اللہ علیہ وآلہ وسلم) اللہ تعالیٰ کے رسول ہیں۔ جب وہ لاالٰہ الاّ اللہ محمد رسول اللہ کی گواہی دے دیں اور ہماری نماز پڑھیں اور ہمارے قبلہ کی طرف رخ کریں اور ہمارا ذبیحہ کھائیں تو ان کے خون اور مال ہم پر حرام ہیں مگر یہ کہ اسلام کے حق سے۔ ان کے مسلمانوں والے حقوق و فرائض ہوں گے۔ اس روایت میں جو کچھ مذکور ہوا اس سے اس مفہوم کا پتہ چل گیا جس سے کفار کے خون حرام ہوجاتے ہیں اور وہ مسلمان شمار ہوتے ہیں کیونکہ یہ اسی صورت میں حاصل ہوگا جبکہ وہ تمام ملتوں کو چھوڑ دیں اور انکار کردیں اور پہلی بات جو توحید باری تعالیٰ کے اقرار سے خاص طور پر متعلق ہے وہ ایسا مقصد ہے جس کی وجہ سے ہم لڑائی سے ہاتھ روک لیں گے یہاں تک کہ یہ معلوم ہوجائے توحید کا اقرار اسلام پر ہے یا غیر اسلام پر ہی ہے اور یہ تاویل اس لیے کی ہے تاکہ یہ آثار درست ہوں آپس میں متضاد نہ رہیں۔ پس کافر پر مسلمان کا حکم اس وقت نہیں لگایا جاسکتا جب تک کہ لا الٰہ الاّ اللہ وان محمدا رسول اللہ کی شہادت نہ دے دے اور اسلام کے علاوہ ہر دین کا انکار کر دے اور اس سے علیحدگی کا اظہار کرے جیسا کہ جناب رسول اللہ (صلی اللہ علیہ وآلہ وسلم) نے فرمایا۔
تخریج : بخاری فی الایمان باب ١٧‘ الزکوۃ باب ١‘ الصلاۃ باب ٢٨‘ والاستتابہ باب ٣‘ والاعتصام باب ٢؍٢٨‘ مسلم فی الایمان ٣٢‘ ابو داؤد فی الزکوۃ باب ١‘ الجہاد باب ٩٥‘ ترمذی فی الایمان باب ١‘ ٢‘ تفسیر سورة ٨٨‘ نسائی فی الزکوۃ باب ٣‘ والایمان باب ١٥‘ والجہاد باب ١‘ والتحریم باب ١‘ ابن ماجہ فی المقدمہ باب ٩‘ والفتن باب ١‘ دارمی فی السیر باب ١٠‘ والتحریم باب ١‘ مسند احمد ١؍١١‘ ٢٢٤؍٣٣٢‘ ٣‘ ١٩٩؍٢٢٤‘ ٤؍٩‘ ٥؍٢٤٦۔
امام طحاوی (رح) کا قول :
اس روایت میں جو کچھ مذکور ہوا اس سے اس مفہوم کا پتہ چل گیا جس سے کفار کے خون حرام ہوجاتے ہیں اور وہ مسلمان شمار ہوتے ہیں کیونکہ یہ اسی صورت میں حاصل ہوگا جبکہ وہ تمام ملتوں کو چھوڑ دیں اور انکار کردیں۔
اور پہلی بات جو توحید باری تعالیٰ کے اقرار سے خاص طور پر متعلق ہے وہ ایسا مقصد ہے جس کی وجہ سے ہم لڑائی سے ہاتھ روک لیں گے یہاں تک کہ یہ معلوم ہوجائے توحید کا اقرار اسلام پر ہے یا غیر اسلام پر ہی ہے اور یہ تاویل اس لیے کی ہے تاکہ یہ آثار درست ہوں آپس میں متضاد نہ رہیں۔
پس کافر پر مسلمان کا حکم اس وقت نہیں لگایا جاسکتا جب تک کہ لا الٰہ الاّ اللہ وان محمد رسول اللہ کی شہادت نہ دے دے اور اسلام کے علاوہ ہر دین کا انکار کر دے اور اس سے علیحدگی کا اظہار کرے جیسا کہ جناب رسول اللہ (صلی اللہ علیہ وآلہ وسلم) نے فرمایا۔