٥٠٦٧: داؤد بن حصین نے عکرمہ سے انھوں نے ابن عباس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) جب اپنے لشکر روانہ فرماتے تو ارشاد فرماتے کہ عبادت خانہ میں گوشہ نشینوں کو مت قتل کرنا۔ جب جناب نبی اکرم (صلی اللہ علیہ وآلہ وسلم) کا طریقہ مبارک یہ جاری ہے کہ جو لوگ دوسروں سے الگ تھلگ ہو کر عبادت گاہوں میں گوشہ نشین ہوجاتے ہیں ان کو قتل نہ کیا جائے کیونکہ ان کی کنارہ کشی سے مسلمان بےخطر ہوجاتے ہیں۔ تو اس سے بھی یہ بات ثابت ہوئی کہ مسلمان جس شخص سے بھی اس کی علیحدگی کی وجہ سے بےخطر ہوجائے وہ خواہ عورت ہو یا بہت بوڑھا آدمی ی ابچہ ان میں سے کسی کو قتل نہ کیا جائے گا یہ قول امام محمد بن الحسن (رح) کا ہے اور امام ابوحنیفہ (رح) اور ابو یوسف (رح) کے قول کا قیاس بھی اسی بات کا متقاضی ہے۔
تخریج : مسند احمد ١؍٣٠٠۔