٥٢١١: حمیدالطویل نے حضرت انس (رض) سے روایت کی ہے آپ اپنے شہباء نامی خچر پر سوار تھے۔ آپ کا گزر بنی نجار کے ایک احاطہ کے پاس سے ہوا۔ اچانک ایک قبر کو پایا قبر والے کو عذاب ہو رہا تھا۔ آپ کا خچر ڈر گیا۔ پھر جناب رسول اللہ (صلی اللہ علیہ وآلہ وسلم) نے فرمایا اگر اس بات کا خطرہ نہ ہوتا کہ تم قبور میں دفن کرنا بند کر دو گے تو میں اللہ تعالیٰ سے دعا کرتا کہ وہ تمہیں عذاب قبر سنا دیتا۔
تخریج : مسلم فی الجنۃ ٦٧؍٦٨‘ نسائی فی الجنائز باب ١١٤‘ مسند احمد ٣؍١٠٣‘ ٢٠١؍٢٧٣‘ ٢٨٤۔