٦٠٥٠: عبید بن فیروز مولیٰ بنی شیبان نے حضرت براء بن عازب (رض) سے روایت کیا ہے کہ کون سی قربانیاں جناب رسول اللہ (صلی اللہ علیہ وآلہ وسلم) کو ناپسند تھیں یا کن جانوروں کی قربانیوں سے آپ نے منع فرمایا تو وہ کہنے لگے جناب رسول اللہ (صلی اللہ علیہ وآلہ وسلم) ہمارے درمیان کھڑے ہوئے میرے ہاتھ آپ کے ہاتھوں سے بہت چھوٹے ہیں آپ نے فرمایا قربانی میں چار قسم کے جانور جائز نہیں۔ کانا جس کا کانا پن ظاہر ہو۔ ! لنگڑا جس کا لنگڑا پن واضح ہو۔ " ایسا بیمار جس کی بیماری ظاہر ہو۔# ایسا دبلا جس کی ہڈیوں میں مغز نہ رہا ہو۔
حضرت برائ (رض) فرماتے ہیں کہ تم نے مجھے دیکھا کہ میں ایک بکری کو دیکھتا ہوں حالانکہ میں اسے چھوڑ چکا ہوں پھر میں اس کی طرف جاتا ہوں جب میں اسے چھی طرح دیکھتا ہوں تو اس کی قربانی کرتا ہوں میں نے ان سے کہا میں اس بات کو ناپسند کرتا ہوں کہ دانت میں نقصان ہو یا کان میں کوئی عیب ہو یا سینگ میں نقص ہو تو انھوں نے فرمایا جسے تم ناپسند کرتے ہو اسے چھوڑ دو ۔ لیکن اسے کسی دوسرے پر حرام نہ کرو۔
تخریج : ترمذی فی الاضاحی باب ٥‘ نسائی فی الضحایا باب ٧‘ دارمی فی الاضاحی باب ٣‘ مالک فی الضحایا ١‘ مسند احمد ٤؍٣٠١۔
قربانی اور ہدی کے طور پر عیب دار جانور درست نہیں خصوصاً وہ عیوب جو ان روایات میں مذکور ہیں ان چار عیوب میں حصر نہیں ان کے علاوہ بھی کچھ عیوب ایسے ہیں جن کے ہوتے ہوئے ہدی و قربانی درست نہیں۔
فریق اول : یہی چار عیوب ہوں گے تو قربانی و ہدی درست نہ ہوگی ورنہ درست ہے۔
فریق ثانی : ان کے علاوہ بھی کئی ایسے عیوب ہیں جو جانور کی قیمت میں کمی کردیتے ہیں وہ بھی پائے جائیں تو قربانی نہ ہوگی اس قول کو ائمہ احناف نے اختیار کیا ہے۔