٦١٠٠: ابوالزبیر نے حضرت جابر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) سات تر بدنہ بطور ہدی روانہ فرمائے اور ان میں صحابہ کرام کو باہمی حصہ دار بنایا۔ پس جب اونٹ میں شرکت جائز ہے تو ہدی میں مباح ہے مگر بکری میں شرکت مباح نہیں اس سے ثابت ہوا کہ بکری کو اونٹ کے ایک حصہ کی برابری حاصل ہے۔ اس سے پہلے باب میں ہم ذکر کرچکے کہ ایک شخص نے جناب رسول اللہ (صلی اللہ علیہ وآلہ وسلم) سے دریافت کیا کہ میرے ذمہ ایک اونٹنی بنتی تھی مگر وہ مجھ سے بھاگ گئی آپ (صلی اللہ علیہ وآلہ وسلم) نے اس کو سات بکریوں کا حکم فرمایا۔ پس یہ بھی ہمارے مؤقف کی دلیل ہے۔ ابن عباس (رض) کی روایت بھی اس کے موافق ہے۔