٦١٠٩: سعید بن مسیب نے امّ المؤمنین حضرت امّ سلمہ (رض) سے روایت کی ہے پھر اسی طرح کی روایت نقل کی ہے۔ امام لیث کہتے ہیں یہ حکم تو بہت وارد ہوا مگر اکثر لوگ اس کے خلاف عمل کرتے ہیں۔ بعض نے اس روایت سے استدلال کیا اور اس کو اصل لازم قرار دیا۔ بال و ناخن ایام ذی الحجہ میں ترشوانے میں کوئی حرج نہیں اس میں وہ آدمی جو قربانی کرنا چاہتا ہو اور اس کے لیے بھی جو قربانی کا عزم نہ رکھتا ہو۔ انھوں نے اپنی دلیل میں حضرت عائشہ (رض) کی اس روایت سے استدلال کیا کہ میں جناب رسول اللہ (صلی اللہ علیہ وآلہ وسلم) کی ہدی کے قلادے بناتی تھی آپ ہدی روانہ کرتے پھر گھر میں بلا احرام مقیم رہتے اور جن چیزوں سے محرم پرہیز کرتا ہے ان میں سے کسی چیز سے بھی پرہیز نہ کرتے یہاں تک کہ لوگ لوٹ آتے۔ اس روایت میں اس چیز کو مباح قرار دیا گیا جس کی ممانعت پہلی روایت میں وارد ہے روایت عائشہ (رض) کا لانا روایت امّ سلمہ (رض) سے بہتر ہے کہ کیونکہ یہ روایت متواتر طرق سے وارد ہوئی ہے جبکہ روایت امّ سلمہ (رض) اس طرح نہیں بلکہ مالک کی سند سے آنے والی روایت موقوف ہے مرفوع نہیں۔
تخریج : بخاری فی الحج باب ١٠٧‘ مسلم فی الحج ٣٥٩‘ ابو داؤد فی المناسک باب ١٦‘ ترمذی فی الحج باب ٧٠‘ نسائی فی المناسک باب ٦٥‘ دارمی فی المناسک باب ٨٦‘ مسند احمد ٦‘ ٣٥؍٢١٣‘ ٢١٦؍٢٢٥‘ ٢٣٦؍٢٥٣‘ ٢٦٢۔