٦١٨: عروہ نے حضرت عائشہ (رض) سے نقل کیا کہ فاطمہ بنت ابی حبیش جناب رسول اللہ (صلی اللہ علیہ وآلہ وسلم) کی خدمت میں آئیں اور ان کو استحاضہ کا مرض تھا عرض کرنے لگیں یارسول اللہ (صلی اللہ علیہ وآلہ وسلم) میں قسم بخدا پاک ہی نہیں ہوتی کیا میں نماز ہمیشہ کے لیے چھوڑ دوں ؟ تو جناب رسول اللہ (صلی اللہ علیہ وآلہ وسلم) نے فرمایا یہ ایک رگ ہے حیض نہیں جب حیض کے دن شروع ہوں تو نماز چھوڑ دو اور جب اتنے دن ختم ہوجائیں تو غسل کر کے پھر نماز ادا کرو۔