٦٣٣: جابر نے بیان کیا کہ محمد بن علی (رح) کہتے ہیں اونٹوں بکریوں وغیرہ کے ابوال کو علاج کے لیے استعمال کرنا درست ہے۔ عین ممکن ہے کہ انھوں نے یہ مؤقف اس لیے اختیار کیا ہو کہ وہ ان کے ہاں تمام احوال میں حلال اور پاک ہے جیسا کہ امام محمد (رح) کا قول ہے اور یہ بھی ممکن ہے کہ ضرورت کی خاطر بطور علاج مباح کیا ہو۔ اس بناء پر نہیں کہ یہ ذاتی طور پر پاک ہے اور ضرورت کے علاوہ بھی یہ مباح ہے۔
تخریج : دارقطنی فی السنن ١؍١٢٨
اس روایت کے دو مفہوم ہیں نمبر ایک علاج کے لیے استعمال کی وجہ حلال و طاہر ہونا ہو جیسا کہ امام محمد (رح) کا قول ہے۔ دوسرا یہ بھی عین ممکن ہے ضرورۃ علاج کے لیے مباح کیا ہو اس بناء پر نہیں کہ یہ فی نفسھا پاک ہے اور ضرورت کے علاوہ موقع پر بھی مباح ہے۔