٦٤٨٤: سفیان بن عبداللہ نے حضرت ابو ایوب انصاری (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت کی ہے۔ البتہ انھوں نے بصل یاکراث کا نام بھی ذکر کیا اور آخر میں ” لیس بمحرم “ کے لفظ بھی فرمائے ہیں۔ ان آثار میں جناب رسول اللہ (صلی اللہ علیہ وآلہ وسلم) نے اس کو لوگوں کے لیے مباح قرار دیا اور یہ حرام نہیں ہے۔ ان روایات میں جو اباحت کے لیے پیش کی گئیں ان میں تو پکے ہوئے پیاز وغیرہ کا ذکر ہے جو پکا ا ہوا نہ ہو وہ تو آثار اول کی نہی میں اسی طرح شامل ہے۔ ان آثار میں تو یہ مذکور ہے کہ اس کی کراہت بدبو کی وجہ سے ہے اور صحابہ کرام (رض) کے لیے اس کا کھانا مباح تھا جس میں بو ابھی پکانے کے باوجود باقی ہو وہ کچے کے حکم میں ہے۔ اس لیے کہ اس کا دونوں صورتوں میں مکروہ ہونا بو کی وجہ سے ہے۔ اس سے یہ دلالت مل گئی کہ اس کے پکانے کے بعد اس کے کھانے کی اباحت ہے جبکہ اس میں مہک باقی ہے تو اس کا پکانے سے پہلے کھانا بھی ان کے لیے مباح ہے۔