٦٥٣٧: ہشام بن ابی رقیہ لخمی بیان کرتے ہیں کہ میں نے مسلمہ بن مخلد کو خطبہ دیتے سنا کیا تمہیں کپاس اور کتان فائدہ نہیں دیتے۔ کیا وہ تمہیں ریشم پہننے سے بےنیاز نہیں کرتے تم میں ایسا آدمی ہے جو تمہیں جناب رسول اللہ (صلی اللہ علیہ وآلہ وسلم) سے اس کی اطلاع دیتا ہے اے عقبہ اٹھو ! تو حضرت عقبہ بن عامر (رض) کھڑے ہوئے اور کہنے لگے میں نے جناب رسول اللہ (صلی اللہ علیہ وآلہ وسلم) کو فرماتے سنا جس نے دنیا میں ریشم پہنا وہ آخرت میں اس کے پہننے سے محروم کردیا جائے گا۔
تخریج : ١؍٣٧‘ ٣٩‘ ٣٣٧‘ ٣؍٢٣‘ ٦٨١‘ ٦؍٤٣٠۔