٦٥٧٩: ابراہیم بن عبداللہ نے اپنے والد سے نقل کیا کہ انھوں نے حضرت علی (رض) کو فرماتے سنا کہ جناب رسول اللہ (صلی اللہ علیہ وآلہ وسلم) نے مجھے ایک دھاری دار جوڑا عنایت فرمایا میں بہت خوش ہوا تو آپ نے مجھے فرمایا اے علی ! یہ میں نے تجھے پہننے کو نہیں دیا۔ پس میں حضرت فاطمہ (رض) کے ہاں لوٹ کر آیا میں نے اس کا ایک کنارہ حضرت فاطمہ (رض) کو پکڑایا۔ گویا وہ اس کو میرے ساتھ لپیٹتی تھیں پھر میں نے اس کو پھاڑ دیا انھوں نے کہا اے ابو طالب کے بیٹے تیرے ہاتھ میں خاک ہو۔ تم کیا لائے ہو۔ میں نے کہا جناب نبی اکرم (صلی اللہ علیہ وآلہ وسلم) نے مجھے اس کو پہننے سے منع فرمایا پس تم عورتیں اس کو پہنو اور دوسری عورتوں کو پہناؤ۔
تخریج : بخاری فی اللباس باب ٣٠‘ مسلم فی اللباس ١٩‘ مسند احمد ١؍٩٢۔