٦٦٠٢: محمد بن زیاد کہتے ہیں کہ میں نے حضرت ابوہریرہ (رض) پر ریشمی تانے والی چادر دیکھی۔ یہ رسول اللہ (صلی اللہ علیہ وآلہ وسلم) کے صحابہ کرام کی جماعت ہے جو کہ خز کو استعمال کرتے ہیں جس کا تانا ریشمی ہوتا تھا۔ اگر کوئی معترض کہے کہ فریق اول کہتا ہے کہ ان دنوں خز۔ میں ریشم نہ ہوتا تھا۔ تو اس کے جواب میں کہا جائے گا کہ جو بات تم نے کہی اس کی آپ کے پاس کوئی دلیل نہیں اس کے بالمقابل ہم نے جو آثار نقل کئے ہیں ان میں حضرت سعد (رض) کے بعض آثار میں یہ لفظ موجود ہیں کہ ” ان جبۃ سعد کان قیامہا خزا “ اس کا تانا ریشمی تھا ہم گزشتہ ابواب میں ذکر کر آئے کہ حضرت سعد (رض) حضرت عقبہ بن عامر (رض) کے ہاں گئے تو اس وقت ان کا جبہ اس طرح کا تھا کہ جس کا ایک حصہ مخلوط اور ایک حصہ ریشم کا تھا تو ابن عامر (رض) نے اس سلسلہ میں ان سے بات کی جس میں فرمایا میرے جسم سے ملے ہوئے حصہ کا کپڑا مخلوط (اون و ریشم) ہے اس سے فریق ثانی کی بات ثابت ہوتی ہے جن کے ہاں غیر ریشم ایسا کپڑا پہننا مباح ہے جس پر ریشمی نقش نگار ہوں اور اسی طرح اس کپڑے کا استعمال درست ہے جس کا تانا ریشمی اور بانا غیر ریشمی ہو۔ یہ امام ابوحنیفہ ‘ ابو یوسف ‘ محمد رحمہم اللہ کا قول ہے۔