٦٦٥٠: قتادہ نے حضرت انس (رض) سے روایت کی ہے کہ حضرت عمر (رض) نے فرمایا اپنی انگوٹھیوں کے عربی نقش مت بناؤ اس روایت کی اصل یہی ہے کہ حضرت انس (رض) نے حضرت عم (رض) کا قول نقل کیا ہے۔ دوسرا جواب : اگر بالفرض وہ رسول اللہ (صلی اللہ علیہ وآلہ وسلم) سے ثابت ہوجائے تو اس کی تفسیر وہی ہے جو حضرت حسن نے فرمائی کہ جناب رسول اللہ (صلی اللہ علیہ وآلہ وسلم) کی انگوٹھی کے نقش کی طرح انگوٹھی بنانے کی ممانعت کی گئی (کیونکہ وہ آپ کی انگوٹھی دوسرے ممالک میں خطوط پر مہر لگانے کے لیے استعمال ہوتی تھی)