٦٧٩٢: بشر بن سعید نے حضرت زید بن خالد جہنی اور بشر اور عبیداللہ خولانی دونوں نے ابو طلحہ انصاری سے بیان کیا کہ جناب رسول اللہ (صلی اللہ علیہ وآلہ وسلم) نے فرمایا فرشتے اس گھر میں داخل نہیں ہوتے جہاں تصویر ہو۔ بشر کہتے ہیں زید بن خالد بیمار ہوئے ہم ان کی عیادت کو گئے جب ہم ان کے گھر میں پہنچے تو وہ ایک پردہ تھا جس میں تصاویر تھیں۔ میں نے عبیداللہ خولانی کو کہا کیا تم نے ان سے تصاویر کے متعلق روایت بیان کرتے نہیں سنا ؟ اس نے کہا انھوں نے ایسا کہا ہے مگر چھاپے والی تصاویر کو مستثنیٰ کیا ہے کیا تم نے نہیں سنا ؟ میں نے کہا نہیں۔ انھوں نے کہا کیوں نہیں انھوں نے ذکر کیا ہے۔
تخریج : بخاری فی بدء الخلق باب ٧‘ واللباس باب ٩٢‘ مسلم فی اللباس ٨٥‘ ابو داؤد فی اللباس باب ٤٥‘ ترمذی فی اللباس باب ١٨‘ نسائی فی القبلہ باب ١٢‘ دارمی فی الاستیذان باب ٣٣‘ مالک فی الاستیذان ٧۔