٦٨٠٧: ربیع بن خثیم کہتے ہیں کہ تم میں سے کوئی یہ نہ کہے ” انی استغفر اللہ واتوب الیہ “ پھر وہ گناہ کی طرف لوٹے گا تو یہ اس کا جھوٹ ہوجائے گا اور گناہ بن جائے گا بلکہ اس طرح کہے : ” اللہم اغفرلی وتب علی “ مزید دلیل یہ ہے۔
ابو جعفر بن عمران (رح) کا مسلک یہ ہے کہ وہ استغفر اللہ واتوب الیہ کے کلمات کا کہنا درست قرار نہ دیتے تھے۔
فریق ثانی کا قول یہ ہے کہ ان کلمات میں کوئی حرج نہیں ہے۔
امام طحاوی (رح) کہتے ہیں : میں نے ابو جعفر بن ابی عمران سے سنا کہ وہ استغفر اللہ واتوب الیہ کہنا مکروہ قرار دیتے تھے بلکہ اس طرح کہنے کا کہتا : استغفر اللہ واسالہ التوبہ۔ میں نے اپنے کئی علماء کو پایا کہ وہ اس کو ناپسند کرتے اور کہتے ہیں گناہ سے توبہ کا مطلب ترک گناہ ہے اور اس کی طرف دوبارہ نہ لوٹنا ہے اور اس کا کہنے والوں کو خیال بھی نہیں۔ جب اس نے کہا اتوب الیہ تو اس نے اللہ تعالیٰ سے گناہ کی طرف نہ لوٹنے کا وعدہ کرلیا جب اس کے بعد اس کی طرف لوٹا تو یہ اسی طرح ہے کہ اللہ تعالیٰ سے وعدہ کر کے مکر گیا لیکن بہتر یہ ہے کہ اس طرح کہے ” اسال اللہ التوبہ “ یعنی میں اللہ تعالیٰ سے سوال کرتا ہوں کہ وہ مجھے اس گناہ سے پیچھے کھینچ لے اور کبھی اس کی طرف نہ لوٹائے اور یہ بات ربیع بن خثیم سے مروی ہے۔ روایت یہ ہے۔