٦٨٣١: نافع نے عبداللہ بن عمر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) کا گزر بنو عبدالاشہل کی عورتوں کے پاس سے ہوا جو کہ یوم احد میں فوت ہونے والوں پر رو رہی تھیں جناب رسول اللہ (صلی اللہ علیہ وآلہ وسلم) نے فرمایا کہ حمزہ (رض) کو تو کوئی رونے والی نہیں تو انصار کی عورتیں آئیں اور حضرت حمزہ (رض) پر رونے لگیں جناب رسول اللہ (صلی اللہ علیہ وآلہ وسلم) بیدار ہوئے اور آپ (صلی اللہ علیہ وآلہ وسلم) نے فرمایا ان پر افسوس ہے یہ جانے کے بعد واپس نہیں لوٹیں اب ان کو لوٹ جانا چاہیے اور آج کے بعد کسی مرنے والے پر نہ روئیں۔
تخریج : ابن ماجہ فی الجنائز باب ٥٣‘ نسائی فی الجنائز باب ١٦‘ مسند احمد ٦؍٤٠۔