٦٨٨٥: ابو بردہ نے حضرت ابو موسیٰ (رض) سے روایت کی ہے اور وہ جناب نبی اکرم (صلی اللہ علیہ وآلہ وسلم) سے اسی طرح کی روایت بیان کرتے ہیں۔ اس روایت کے مطابق یہ الفاظ یہود کے لیے فرمائے باقی مسلمانوں کے لیے وہ الفاظ ہیں جو سالم بن عبید (رض) کی روایت میں موجود ہیں جو شروع باب میں مذکور ہوئے۔ فریق اوّل کا کہنا ہے مگر پھر بھی اس روایت میں فریق اوّل کے لیے فریق ثانی کے خلاف کوئی دلیل موجود نہیں۔ کیونکہ اس روایت میں صرف یہ بات ہے کہ یہود جناب نبی اکرم (صلی اللہ علیہ وآلہ وسلم) کے پاس اس غرض سے چھینکتے کہ آپ ان کے لیے یرحمک اللہ کہیں مگر آپ ان کو ” یہدیکم اللہ ویصلح بالکم “ فرماتے تھے تو جناب نبی اکرم (صلی اللہ علیہ وآلہ وسلم) کا یہ قول یہود کے لیے تھا جبکہ وہ چھینکتے اس سلسلہ میں فریقین کے مابین کوئی اختلاف نہیں کہ چھینکنے والے کو جواب دینے والا کیا الفاظ کہے اختلاف تو اس قدر ہے کہ چھینکنے والا یرحمکم اللہ کے بعد کیا الفاظ کہے۔ تو روایت ابو موسیٰ میں اس کا کچھ بھی تذکرہ نہیں۔ فلہذا یہ روایت حضرت عبداللہ بن جعفر اور حضرت عائشہ (رض) کی مذکورہ روایات کے خلاف نہیں ہے۔
ابراہیم نخعی (رح) کی روایت سے استدلال :
فریق اوّل اپنی حجت کے طور پر ابراہیم نخعی (رح) کی یہ روایت پیش کرتے ہیں۔