٦٨٩١: ابو سلمہ کہتے ہیں کہ میں نے حضرت ابوہریرہ (رض) کو فرماتے سنا کہ جناب نبی اکرم (صلی اللہ علیہ وآلہ وسلم) نے فرمایا بیمار کو تندرست پر مت لاؤ۔ ان کو حارث بن ابی ذباب نے کہا تم نے خود ہی تو ہمیں جناب رسول اللہ (صلی اللہ علیہ وآلہ وسلم) سے یہ بات بیان فرمائی کہ کوئی مرض متعدی نہیں تو ابوہریرہ (رض) نے اس بات کا انکار کیا تو حارث نے کہا کیوں نہیں آپ نے بیان کی ہے۔ چنانچہ حارث اور ابوہریرہ (رض) آپس میں جھگڑے یہاں تک کہ ان کا معاملہ سخت ہوگیا تو ابوہریرہ (رض) غصے میں آگئے اور حارث کو کہا۔ امام مسلم نے اس بات کو اپنی روایت میں ذکر کیا ہے۔ کہ انھوں نے حبشی زبان میں گفتگو کی پھر حارث کو کہا۔ جو کچھ میں نے کہا کیا تم اس کو سمجھے ہو ؟ حارث نے جواب میں کہا نہیں سمجھا۔ میں تو یہی کہتا ہوں کہ تمہاری مراد اس سے یہی تھی کہ میں نے وہ بات تمہیں بیان نہیں کی جو تم بیان کرتے ہو۔ ابو سلمہ کہتے ہیں مجھے معلوم نہیں کہ آیا ابوہریرہ (رض) بھول گئے یا ان کو اشتباہ ہوا البتہ نسیان کا کلمہ ان کے بارے میں بیان کرنا میں پسند نہیں کرتا کیونکہ اس سے پہلے وہ ہم سے اپنا یہ ارشاد بیان کرتے لا عدویٰ ۔
تخریج : بخاری فی الطلب باب ٥٣‘ مسلم فی السلام روایت ١٠٤‘ ابن ماجہ فی الطب باب ٢٤‘ مسند احمد ٢؍٢٠٦۔
خلاصہ الزام :
بعض علماء کا خیال ہے کہ صحت مند کو بیمار کے پاس جانے سے گریز کرنا چاہیے۔