٧١٠٣: ابوالزبیر نے حضرت جابر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جو میرے نام پر نام رکھے وہ میری کنیت نہ اختیار کرے اور جو میری کنیت کو اختیار کرے وہ میرا نام نہ رکھے۔ ان آثار سے یہ بات ثابت ہو رہی ہے کہ جناب رسول اللہ (صلی اللہ علیہ وآلہ وسلم) نے کنیت اور نام دونوں کو جمع کرنے کی ممانعت فرمائی اور حضرت جابر (رض) کی روایت میں جب نام نہ رکھا ہو تو کنیت کا جواز ثابت ہوتا ہے فریق ثانی نے جن روایات سے استدلال کیا ہے جیسا کہ حضرت برائ (رض) ابوہریرہ (رض) اور حضرت جابر (رض) کی روایات ہیں تو ان میں عین ممکن ہے کہ کنیت اور نام کو جمع کرنے کی ممانعت ہو اور ہر ایک کا الگ الگ رکھنا مباح قرار دیا ہو پھر اس سے بھی روک دیا تو گویا کہ سابقہ نہی پر اضافہ ہوا۔ جو بات آپ نے کہی ہے اس سے بہتر یہ ہے کہ پہلے کنیت کی ممانعت ہو اور پھر نام اور کنیت دونوں کو جمع کرنے کی ممانعت کردی ہو تو اس سے وہ بعض چیز تو مباح ہوجائے گی جس پر اس سے پہلے نہی وارد ہوئی تھی۔ حضرت ابوہریرہ (رض) کی روایت میں جو کنیت کی ممانعت وارد ہے وہ دو حال سے خالی نہیں : یا تو وہ نام اور کنیت کو جمع کے مقصود ہونے پہلے ہوگی۔ ! یا اس کے بعد اگر وہ ممانعت موخر ہے تو وہ اضافہ بنے گا اس کے لیے ناسخ نہ بنے گی اور اگر اس سے مقدم ہے تو وہ پہلے ثابت تھی اب اس کے بعد یہ روایت آئی تو اس نے اس کو منسوخ کردیا جب کنیت سے ممانعت کے مقصود میں احتمال پیدا ہوگیا اس کے بعد کہ ہم نے اس کے ثبوت کو جان لیا تو ہمارے نزدیک یہ اپنے مقدم اصل پر باقی رہے گی منسوخ نہ ہوگی جب تک یقین کے ساتھ اس کا نسخ معلوم نہ ہو اس باب کے معانی کو سامنے رکھتے ہوئے اس باب کا یہی مطلب ہے۔ ہم دیکھتے ہیں کہ فرشتوں کے اسماء سے کنیت رکھنا جائز ہے اس طرح دیگر تمام انبیاء (علیہم السلام) سوائے ہمارے پیغمبر (صلی اللہ علیہ وآلہ وسلم) کے ان کے نام پر نام رکھنے میں کوئی حرج نہیں اور اسی طرح ان کی کنیت بھی اسی طرح ہر ایک کا اسم گرامی اور اس کی کنیت کو جمع کیا جاسکتا ہے یہ ہمارے پیغمبر (صلی اللہ علیہ وآلہ وسلم) ہیں کہ آپ کے نام پر نام رکھنے میں کوئی حرج نہیں نظر کا تقاضا یہ ہے کہ آپ کی کنیت رکھنے میں بھی کوئی حرج نہیں اور نام اور کنیت دونوں کو جمع کرنے میں بھی کوئی حرج نہیں البتہ رسول اللہ (صلی اللہ علیہ وآلہ وسلم) کے حکم کی اتباع اولیٰ ہے جناب رسول اللہ (صلی اللہ علیہ وآلہ وسلم) سے اس بارے میں روایت وارد ہے۔
تخریج : ابو داؤد فی الادب باب ٦٧‘ مسند احمد ٢؍٣١٢‘ ٤٥٥۔