٧١٩٢: عطاء نے جابر بن عبداللہ (رض) سے روایت کی ہے کہ ایک شخص نے اپنی باکرہ بیٹی کا نکاح اس کی بلااجازت کردیا وہ جناب نبی اکرم (صلی اللہ علیہ وآلہ وسلم) کی خدمت میں آئی تو آپ نے ان کے مابین تفریق کرا دی۔ جنہوں نے اس روایت کو شعیب (رح) سے روایت کیا ہے کسی کے متعلق معلوم نہیں کہ انھوں نے جابر کا تذکرہ کیا ہو صرف ایک ابو صالح نے اپنی روایت میں ذکر کیا ہے۔ علی بن معبد وغیرہ نے اس روایت میں جابر (رض) کو ساقط کیا ہے۔ روایت ملاحظہ ہو۔