٧٢١٥: ابو کبشہ سلولی نے سہل بن حنظلیہ (رض) سے روایت کیا ہے کہ میں نے جناب رسول اللہ (صلی اللہ علیہ وآلہ وسلم) کو فرماتے سنا جس آدمی نے مالداری کے باوجود لوگوں سے سوال کیا وہ اپنے پاس جہنم کے انگارے زیادہ کررہا ہے میں نے عرض کیا یارسول اللہ (صلی اللہ علیہ وآلہ وسلم) ! ظہر غنیٰ کیا ہے آپ نے فرمایا اس کے گھر والوں کے ہاں صبح و شام کا کھانا ہو۔
تخریج : ابو داؤد فی الزکوۃ باب ٢٤‘ مسند احمد ٤؍١٨١۔
خلاصہ الزام :
فریق اوّل : صبح و شام کے کھانے کا جو مالک ہو اس پر صدقہ حرام ہے اور اس کو سوال درست نہیں۔
فریق ثانی کا قول یہ ہے : اگر کوئی ایک اوقیہ چاندی (٤٠ درہم کے برابر) کا مالک ہو تو اس پر صدقہ حرام ہے اور اس کو سوال کرنا جائز نہیں ہے۔
فریق ثالث : پچاس درہم کے مالک پر صدقہ حرام ہے۔
فریق رابع : دو سو درہم کے مالک پر صدقہ وسوال حرام ہیں یہ ائمہ احناف کا قول ہے۔
فریق اوّل کی مستدلات :