٩٩ : رباح بن عبدالرحمن کہتے ہیں کہ مجھے میری دادی نے بیان کیا کہ انھوں نے حضرت ابوہریرہ (رض) کو فرماتے سنا کہ میں نے جناب رسول اللہ (صلی اللہ علیہ وآلہ وسلم) کو فرماتے سنا اس کی نماز نہیں جس کا وضو نہیں اس کا وضو نہیں جس نے اللہ تعالیٰ کا نام نہیں لیا۔
تخریج : ابو داؤد فی الطھارۃ باب ٤٨‘ ابن ماجہ فی الطھارۃ باب ٤١‘ مسند احمد ٢؍٤١٨‘ ٤؍٧٠‘ ٥؍٣٨٢‘ مستدرک ١؍١٤٦‘ ١٤٧‘ ٢٦٩‘ سنن کبرٰی بیہقی ١؍٤١‘ ٤٣‘ ٢٧؍٣٧٩۔
تسمیہ علی الوضوء کے متعلق دو مسلک معروف ہیں۔
نمبر ١ امام احمد بن حنبل اور اہل ظواہر اس کے وجوب کے قائل ہیں کہ اس کے بغیر اس کا وضو نہ ہوگا۔
نمبر ٢ امام ابوحنیفہ (رح) مالک (رح) ‘ شافعی (رح) ‘ اور جمہور فقہاء و محدثین کے ہاں سنت یا مستحب ہے۔
مسلک اول کے دلائل :
اس سلسلہ میں تین روایات ذکر کی گئی ہیں۔