(٣١٩١٠) حضرت ابراہیم اس عورت کے بارے میں فرماتے ہیں جو اپنے شوہر، ماں، چار حقیقی بہنوں اور دادا کو چھوڑ جائے کہ حضرت زید (رض) اس کے بارے میں فرماتے ہیں کہ شوہر کے لیے تین حصّے، ماں کے لیے ایک حصّہ ، دادا کے لیے ایک حصّہ اور بہنوں کے لیے بھی ایک حصّہ ہے، اور حضرت علی (رض) اور عبداللہ (رض) فرماتے ہیں کہ مال نو حصّوں میں تقسیم کیا جائے، تین حصّے شوہر کے لئے، ایک حصّہ ماں کے لیے ، ایک حصّہ دادا کے لیے اور چار حصّے بہنوں کے لیے ہوں گے۔
حضرت ابوبکر فرماتے ہیں کہ یہ مسئلہ حضرت زید (رض) کے قول کے مطابق چھ حصّوں سے اور حضرت علی (رض) اور عبداللہ (رض) کے فرمان کے مطابق نو حصّوں سے نکلے گا۔