٣٩٠٤: عروہ بیان کرتے ہیں کہ امّ سلمہ (رض) کی باری کا دن یوم نحر والا تھا چنانچہ جناب رسول اللہ (صلی اللہ علیہ وآلہ وسلم) نے ان کو حکم فرمایا کہ وہ مزدلفہ کی رات لوٹ جائے جمرہ عقبہ کی رمی کو انھوں نے رات کو انجام دیا اور نماز فجر مکہ میں ادا کی۔ امام طحاوی (رح) فرماتے ہیں ایک جماعت اس طرف گئی ہے کہ نحر کی رات جمرہ عقبہ کو کنکریاں مارنا طلوع آفتاب سے پہلے جائز ہے اور انھوں نے اس سلسلہ میں اس روایت کو اپنا مستدل بنایا ہے اور یہ فرمایا کہ حج کی نماز مکہ مکرمہ میں اسی صورت میں پڑھی جاسکتی ہے کہ انھوں نے طلوع فجر سے پہلے جمرہ عقبہ کو کنکریاں ماری ہوں۔ اس لیے کہ دونوں مقامات کے مابین فاصلہ پایا جاتا ہے مگر دیگر حضرات نے ان سے اختلاف کرتے ہوئے فرمایا کہ کسی شخص کو طلوع فجر سے پہلے کنکریاں مارنا درست نہیں ہے اور جس نے کنکریاں مارلیں وہ ایسا ہے کہ اس نے سرے سے کنکریاں نہیں ماریں۔ اور اسے ضروری ہے کہ وہ کنکریوں کے وقت میں دو بارہ کنکریاں مارے۔ اور اگر اس نے دو بارہ کنکریاں نہ ماریں تو اس پر دم لازم ہوگا ۔ ان کی دلیل اس کے متعلق یہ ہے کہ اس حدیث میں حضرت ہشام بن عروہ (رح) سے مختلف الفاظ مروی ہیں۔ ان سے وہ الفاظ بھی مروی ہیں جو ہم نے ابھی ذکر کیے مگر اس کے خلاف بھی روایت انہی سے وارد ہے۔ ذیل میں ملاحظہ ہو۔
حاصل کلام یہ ہے کہ مکہ مکرمہ میں فجر کی نماز تبھی ممکن ہے کہ جمرہ عقبہ کی رمی رات کو کرلی جائے۔ اس سے ثابت ہوتا ہے کہ طلوع فجر سے قبل رمی جمرہ عقبہ درست ہے۔
فریق ثانی کا مؤقف اور جوابات و دلائل : طلوع فجر سے پہلے کسی کو رمی جمرہ عقبہ کی اجازت نہیں اگر کرلی تو اعادہ ضروری اگر اعادہ نہ کیا تو دم لازم ہے اس روایت کا جواب یہ ہے۔
اس روایت کے راوی ہشام بن عروہ ہیں۔ ان کی دونوں روایات میں تعارض ہے دوسری روایت یہ ہے۔

1: طلوع فجر سے پہلے رات ہی کو معذور لوگ جمرہ عقبہ کی رمی کرسکتے ہیں یہ امام شافعی (رح) کا قول ہے۔
3: ائمہ ثلاثہ (رح) کے ہاں معذورین کے لیے جمرہ عقبہ کی رمی طلوع فجر سے پہلے جائز نہیں اگر انھوں نے کرلی تو اعادہ نہ کرنے کی صورت میں دم لازم ہے۔
فریق اوّل کا مؤقف اور دلیل :
طلوعِ فجر سے پہلے رمی جمرہ عقبہ کرلینے میں معذورین کو کچھ حرج نہیں ان پر کچھ بھی لازم نہ ہوگا۔ دلیل یہ ہے۔