٣٩٠٥: عروہ نے زینب بنت ابی سلمہ عن امّ سلمہ (رض) سے روایت کی ہے کہ مجھے جناب رسول اللہ (صلی اللہ علیہ وآلہ وسلم) نے یوم نحر کو حکم فرمایا کہ وہ آپ کے ساتھ صبح کی نماز مکہ میں ادا کرے۔ اس روایت میں یہ ہے کہ جناب رسول اللہ (صلی اللہ علیہ وآلہ وسلم) نے امّ سلمہ (رض) کو جو حکم دیا سو دیا۔ یہ صبح کی نماز یوم نحر سے اگلے روز کی ہے اور یہ پہلی روایت کے خلاف ہے اور جناب رسول اللہ (صلی اللہ علیہ وآلہ وسلم) نے امّ سلمہ (رض) سمیت اپنی ازواج مطہرات منی کی طرف جلدی جانے کا حکم فرمایا تھا اور وہاں ان تمام نے نماز فجر ادا فرمائی اور اسی وقت وہ مکہ کی طرف روانہ نہ ہوتے ۔ ذیل کی روایات سے اس کی تائید ہوتی ہے۔
تخریج : مسند احمد ٦؍٢٩١۔
تو ان دونوں روایات میں تضاد ہے کہ ایک میں فجر کی نماز دسویں صبح کو مکہ میں پڑھنے کا حکم ہے اور دوسری میں گیارہ تاریخ کی فجر مکہ مکرمہ میں پڑھنے کا حکم ہے۔ جناب رسول اللہ (صلی اللہ علیہ وآلہ وسلم) نے اپنی ازواج کو امّ سلمہ (رض) سمیت منیٰ کی طرف جانے کا حکم فرمایا تھا اور ان تمام نے فجر کی نماز منیٰ میں ادا فرمائی ہے اور اسی وقت وہ مکہ کی طرف روانہ نہیں ہوئے۔ اس کی موید یہ روایتیں بھی ہیں۔