٤٢١٢: شعیب بن حبحباب نے انس (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) نے صفیہ (رض) کو آزاد کردیا اور اس کی آزادی کو اس کا مہر قرار دیا۔ امام طحاوی (رح) فرماتے ہیں اگر کسی نے اپنی لونڈی کو آزاد کیا اور شرط یہ قرار دی کہ اس کی آزادی اس کا مہر ہوگا تو یہ درست ہے پھر اگر وہ اس سے نکاح کرے تو وہ عتق اس کا مہر کافی ہے اس قول کو امام سفیان ثوری (رح) اور امام ابو یوسف (رح) نے اختیار فرمایا۔ ان کے ہاں عتق مہر بن سکتا ہے اس کی دلیل مندرجہ بالا روایت ہے۔ دوسروں نے کہا یہ جناب رسول اللہ (صلی اللہ علیہ وآلہ وسلم) کے ساتھ خاص ہے اور کسی کے لیے درست نہیں کہ آزادی اس کا مہر قرار پا سکے۔ اللہ تعالیٰ کا ارشاد ہے۔ ” وامراۃ مؤمنۃ ان وہبت نفسہا لل نبی ان ارادالنبی ان یستنکحہا خالصۃ لک من دون المؤمنین الایہ الاحزاب ٥٠“ پس جب اللہ تعالیٰ نے اپنے پیغمبر کے لیے بلا مہر نکاح کو جائز قرار دیا تو آپ کے لیے یہ بھی جائز ہے کہ آزادی کے بدلے نکاح کریں جو کہ مہر نہیں اور جس شخص یعنی امتی کے لیے اللہ تعالیٰ نے بغیر مہر کے نکاح کو جائز قرار نہیں دیا تو اس کے لیے آزادی کے بدلے بھی نکاح جائز نہیں کیونکہ وہ مہر نہیں ہے اس کو امام ابوحنیفہ ‘ محمد و زفر (رح) نے اختیار کیا ہے۔
تخریج : بخاری فی النکاح باب ١٣‘ ٦٨‘ مسلم فی النکاح ٨٥‘ ابو داؤد فی النکاح باب ٥‘ ترمذی فی النکاح باب ٢٤‘ ابن ماجہ فی النکاح باب ٤٢‘ دارمی فی النکاح باب ٤٥‘ مسند احمد ٣‘ ٩٩؍٢٣٩‘ ١٦٥؍١٧٠‘ ١٨١؍٢٩١‘ ٢٤٢؍٢٨٠۔
امام طحاوی (رح) کا ارشاد : اگر کسی نے اپنی لونڈی کو آزاد کیا اور شرط یہ قرار دی کہ اس کی آزادی اس کا مہر ہوگا تو یہ درست ہے پھر اگر وہ اس سے نکاح کرے تو وہ عتق اس کا مہر کافی ہے اس قول کو امام سفیان ثوری (رح) اور امام ابو یوسف (رح) نے اختیار فرمایا۔
فریق اوّل : اس سے مراد حضرت سفیان اور امام ابو یوسف (رح) ہیں ان کے ہاں عتق مہر بن سکتا ہے اس کی دلیل مندرجہ بالا روایت ہے اس قول کو حسن بصری ‘ زہری ‘ عطاء ‘ نخعی ‘ سعید ابن المسیب (رح) سے اختیار کیا ہے۔
فریق ثانی کا مؤقف : یہ جناب رسول اللہ (صلی اللہ علیہ وآلہ وسلم) کے ساتھ خاص ہے اور کسی کے لیے درست نہیں کہ آزادی اس کا مہر قرار پا سکے۔ اللہ تعالیٰ کا ارشاد ہے۔ ” وامراۃ مؤمنۃ ان وہبت نفسہا لل نبی ان ارادالنبی ان یستنکحہا خالصۃ لک من دون المؤمنین الایہ الاحزاب ٥٠“ پس جب اللہ تعالیٰ نے اپنے پیغمبر کے لیے بلا مہر نکاح کو جائز قرار دیا تو آپ کے لیے یہ بھی جائز ہے کہ آزادی کے بدلے نکاح کریں جو کہ مہر نہیں اور جس شخص یعنی امتی کے لیے اللہ تعالیٰ نے بغیر مہر کے نکاح کو جائز قرار نہیں دیا تو اس کے لیے آزادی کے بدلے بھی نکاح جائز نہیں کیونکہ وہ مہر نہیں ہے یہ امام ابوحنیفہ ‘ محمد و زفر (رح) کا مسلک ہے۔
فریق ثانی کے دلائل : یہ روایات ہیں کہ عبداللہ بن عمر (رض) نے جویریہ (رض) کے سلسلہ میں اسی طرح کا فعل نقل کیا ہے جیسا کہ حضرت انس (رض) نے صفیہ (رض) کے متعلق نقل کیا ہے۔ روایت یہ ہے۔