٤٢٧٧: سالم بن ابو جعد نے جابر (رض) سے روایت نقل کی ہے کہ ایک انصاری جناب رسول اللہ (صلی اللہ علیہ وآلہ وسلم) کی خدمت میں حاضر ہو کر کہنے لگا یارسول اللہ (صلی اللہ علیہ وآلہ وسلم) ! میری ایک لونڈی ہے جو اونٹ پر پانی لادنے آتی جاتی ہے اور میں اس سے جماع بھی کرتا ہوں کیا میں اس سے عزل کرلیا کروں تو جناب رسول اللہ (صلی اللہ علیہ وآلہ وسلم) نے فرمایا جی ہاں۔ اس سے عزل کرسکتے ہو۔ زیادہ دیر نہ گزری تھی کہ وہ آدمی آگیا اور آپ سے عرض کرنے لگا میں نے اس سے عزل کیا وہ تو حاملہ ہوگئی اس پر جناب رسول اللہ (صلی اللہ علیہ وآلہ وسلم) نے فرمایا جو نفس اللہ تعالیٰ نے مقدر فرمایا وہ ضرور پیدا ہو کر رہے گا۔