٦٢٦٧: حضرت ابو درداء کے کاتب مسلم بن مشکم کہتے ہیں کہ میں نے ابو ثعلبہ خشنی کو فرماتے سنا میں حضور کی خدمت میں آیا میں نے کہا یارسول اللہ (صلی اللہ علیہ وآلہ وسلم) مجھے بتلایئے کہ میرے لیے کیا حلال ہے اور کون سی چیزیں حرام ہیں آپ نے فرمایا گھریلو گدھوں کو مت کھاؤ اور نہ ہی کچلیوں والے درندوں کو۔ پس اس روایت میں جناب رسول اللہ (صلی اللہ علیہ وآلہ وسلم) کا کلام ابو ثعلبہ کے اس سوال کا جواب ہے کہ میرے لیے کیا حلال و حرام ہے (تو آپ نے ان دو حرام چیزوں کا بیان فرمایا) پس اس سے یہ ثابت ہوگیا کہ گھریلو گدھوں کے گوشت کی ممانعت سواری کی کمی یا گندگی کا کھانا نہیں بلکہ ذاتی ممانعت ہے اس کو آپ نے کچلیوں والے درندے کی طرح قرار دیا۔ جس طرح اس کی ممانعت ذاتی ہے کسی علت پر موقوف نہیں۔ یہی حکم اس کا ہے۔ جناب رسول اللہ (صلی اللہ علیہ وآلہ وسلم) نے اس لیے منع فرمایا کہ یہ لوٹ کے گدھے تھے انھوں نے اس روایت کو دلیل بنایا۔