٦٥٤٣: ابوالخیر سے حضرت عقبہ بن عامر (رض) کہتے ہیں کہ جناب رسول اللہ (صلی اللہ علیہ وآلہ وسلم) کو ریشم کی قبا بطور ہدیہ دی گئی پس اس کو پہنا پھر اسی طرح کی روایت نقل کی۔ یہ آثار دلالت کر رہے ہیں کہ ریشم کا استعمال مباح تھا اور ممانعت اس کی اباحت کے بعد اتری ہے پس اس سے ہمیں یہ معلوم ہوگیا کہ جن روایات میں پہننے کی ممانعت وارد ہے وہ پہننے کے متعلق اباحت کی روایات کے لیے ناسخ ہیں اور یہ بھی امام ابوحنیفہ ‘ ابو یوسف ‘ محمد رحمہم اللہ اور اکثر علماء امت کا قول ہے۔ اس سلسلہ میں صحابہ کرام (رض) سے مروی روایات ملاحظہ ہوں۔
تخریج : بخاری فی الصلاۃ باب ١٦‘ واللباس باب ١٢‘ مسلم فی اللباس ٢٣‘ نسائی فی القبلۃ باب ١٩‘ مسند احمد ٤؍١٤٩۔