٦٩٧٨: عیسیٰ بن یونس نے عبداللہ بن نافع سے پھر انھوں نے اپنی سند سے روایت بیان کی ہے۔ امام طحاوی (رح) فرماتے ہیں : بعض لوگ اس طرف گئے ہیں وہ کہتے ہیں کسی نر کو خصی کرنا حلال نہیں۔ انھوں نے اس روایت کو دلیل بنایا ہے اللہ تعالیٰ کا ارشاد ہے۔ ” فلیغیرن خلق اللہ ۔۔۔“ اس آیت میں جس تغییر خلق کا ذکر ہے اس سے یہی خصی ہونا مراد ہے۔ فریق ثانی کا مؤقف ہے کہ جس کے متعلق خطرہ ہو کہ وہ دوسرے جانوروں کو کاٹے گا یا جس کے چربی سے بھرپور کرنے کا ارادہ ہو اسے خصی کرنے میں حرج نہیں۔ فریق مخالف کا کہنا ہے کہ جو روایت دلیل میں پیش کی جاتی ہے وہ ابن عمر (رض) پر موقوف ہے وہ جناب رسول اللہ (صلی اللہ علیہ وآلہ وسلم) تک مرفوعا ثابت نہیں ہے۔ ملاحظہ ہو۔