31843 ۔۔۔ ارشاد فرمایا پاس براق لایا گیا وہ ایک سفید طویل جانور ہے جو گدھے سے تھوڑا بڑا اور خچر سے تھوڑا چھوٹا منتہیٰ نظر پر قدم رکھتا ہے میں اس پر سوار ہو کر بیت المقدس تک آیا اور اس کو اس حلقہ میں باندھ دیا جس سے انبیاء (علیہم السلام) اپنی سواریوں کو باندھا کرتے تھے پھر میں مسجد میں داخل ہواوہاں دو رکعت نماز پڑھی پھر جبرائیل (علیہ السلام) ایک برتن شراب کا اور ایک برتن دودھ کا لائے میں نے دودھ کا انتخاب کیا توجبرائیل (علیہ السلام) نے فرمایا کہ آپ نے فطرت کو اختیار کیا پھر مجھے آسمان پر لیجایا گیا تو دروازہ کھلوانا چاہا تودربان نے جبرائیل پوچھا آپ کے ساتھ کون ؟ کہا محمد (صلی اللہ علیہ وآلہ وسلم) پوچھا کیا ان کو بلوایا ہے ؟ کہا ہاں بلوایا ہے ہمارے لیے دروازہ کھولا گیا تو آدم (علیہ السلام) سے ملاقات ہوئی انھوں نے مرحبا کہا اور خیر کی دعا دی پھر مجھے دوسرے آسمان پر لے جایا گیا جبرائیل (علیہ السلام) نے دروازہ کھلواتا جاہا کہا کون ؟ جواب دیاجبرائیل پوچھا گیا آپ کے ساتھ کون ہے ؟ کہا محمد (صلی اللہ علیہ وآلہ وسلم) پوچھا گیا کہ ان کو بلوایا ہے کہاں ہاں بلوایا ہمارے لیے دروازہ کھولا گیا تو ہمارے ملاقات دوخالہ زاد بھائی عیسیٰ بن مریم اور یحیی بن زکریا (علیہ السلام) سے ہوئی انھوں نے مجھے مرحباکہا اور میرے لیے خیر کی دعا کی پھر مجھے تیسرے آسمان پرلے جایا گیا جبرائیل (علیہ السلام) نے دروازہ کھلوایا تو پوچھا گیا کون ؟ بتایا جبرائیل (علیہ السلام) پوچھا گیا ساتھ کون ہے ؟ بتایا محمد (صلی اللہ علیہ وآلہ وسلم) پوچھا کہ ان کو بلوایا ہے بتایا ہاں تو ہمارے لیے دروازہ کھولا گیا تو ہماری ملاقات ادریس (علیہ السلام) سے ہوئی انھوں نے مجھے مرحباکہا اور میرے لیے خیر کی دعا کی :۔
قال اللہ تعالیٰ ورفعا مکانا علیا
” ہم نے انھیں رفعت دے کر ایک بلند مقام تک پہنچا دیا تھا۔ “
پھر مجھے پانچویں آسمان پر لے گیا جبرائیل نے دروازہ کھلوایا پوچھا گیا کون ؟ بتایا جبرائیل (علیہ السلام) پوچھا ساتھ کون ؟ بتایا محمد (صلی اللہ علیہ وآلہ وسلم) پوچھا گیا ان کو بلوایا گیا ہے ؟ جواب دیا ہاں پھر ہمارے لیے دروازہ کھولا گیا تو ہماری ملاقات ہارون (علیہ السلام) سے ہوئی انھوں نے مجھے مرحبا کہا اور میرے لیے خیر کی دعا کی پھر مجھے چھٹے آسمان پر لیجایا گیا جبرائیل (علیہ السلام) نے دروازہ کھلوایا پوچھا کون ؟ جواب دیا جبرائیل (علیہ السلام) پوچھا ساتھ کون ؟ جواب دیامحمد (صلی اللہ علیہ وآلہ وسلم) تو ہماری ملاقات موسیٰ (علیہ السلام) سے ہوئی انھوں نے مجھے مرحباکہا اور میرے لیے خیر کی دعا کی پھر مجھے ساتویں آسمان پر لیجایا گیا جبرائیل (علیہ السلام) نے دروازہ کھلوایا تو پوچھا گیا کون ؟ جواب دیا جبرائیل پوچھا کہ ساتھ کون ؟ جواب دیا محمد (صلی اللہ علیہ وآلہ وسلم) پوچھا ان کو بلوایا گیا ہے ؟ جواب دیاہاں تو ہمارے دروازکھولا گیا تو ہماری ملاقات ابراہیم (علیہ السلام) سے ہوئی وہ بیعت المعمور سے ٹیک لگائے بیٹھے تھے وہ ایساگھر ہے اس میں ہر روز ستر ہزار فرشتے داخل ہوتے ہیں ان کو دوبارہ داخل ہونے کا موقع نہیں ملتاپھر مجھے سدرة المنتہیٰ تک لیجایا گیا تو اس کے لیے ہاتھی کے کان کے برابر پتے تھے اور اس کا پھل مٹکے کے برابر جب اللہ کے حکم سے اس کو ڈھانپا گیا جس طرح ڈھانپا گیا تو اس میں اس طرح حسن پیدا ہوگیا کہ اللہ کے مخلوق میں سے کوئی اس کے حسن کو بیان کرنے پر قادر نہیں اللہ تعالیٰ نے جو وحی فرمانا تھی فرمائی اور میرے اوپر دن رات میں پچاس نمازیں فرض فرمائیں۔ میں واپسی میں موسیٰ (علیہ السلام) کے پاس آیا انھوں نے مجھ سے پوچھا آپ کے رب نے آپ کی امت پر کیا فرض فرمایا ؟ میں نے بتایا دن رات میں پچاس نمازیں تو فرمایا واپس جاکر اس میں تخفیف کی درخواست کریں کیونکہ آپ کی امت کو اس کی طاقت نہ ہوگی میں نے نبی اسرائیل کو آزمایا ہے اور امتحان لیا ہے میں نے واپس جاکر رب تعالیٰ سے تخفیف کی درخواست کی تو پانچ نمازیں معاف کیں میں موسیٰ (علیہ السلام) کے پاس واپس آیا اور بتایا پانچ معاف ہوئی ہیں تو فرمایا واپس جاکر تخفیف کی درخواست کریں آپ کی امت یہ بھی نہیں ادا کرسکے گی اب میں رب تعاٰلی اور موسیٰ کے درمیان مراجعت کرتا رہا یہاں تک اللہ تعالیٰ نے فرمایا اے محمد یہ دن اور رات میں پانچ نمازیں ہیں ہر نماز پر دس اس طرح ثواب میں پچاس کے برابر ہوں گی جس نے نیکی کا ارادہ کیا اور عمل نہیں کیا اس کو بھی ثواب ملے اگر عمل کرلیا تودس نیکیاں ملیں گی جس نے برائی کا ارادہ کیا اور عمل نہیں کیا اس کے حق میں کچھ نہیں لکھا جائے گا اگر عمل کرلیا تو اس کے حق میں ایک ہی گناہ لکھاجائے گا میں واپس آکر موسیٰ (علیہ السلام) کے پاس پہنچا اور ان کو واقعہ بتایا تو انھوں نے دوبارہ فرمایا کہ جاکرمزید تخفیف کی درخواست کریں میں نے کہا اب بہت ہوگیا مزید جانے سے مجھے شرم آرہی ہے۔ (احمدبروایت انس (رض))