31844 ۔۔۔ ارشاد فرمایا کہ میرے پاس براق لایا گیا اس پر میں اور جبرائیل (علیہ السلام) سوار ہوئے ہمیں لے کر روانہ ہوئے جب بھی کوئی پہاڑ آیا دو پاؤں اوپر کرلیتے جب نیچے اترتے اگلے پاؤں اوپر کرلیتے یہاں ایک سایہ دار بدبودار زمین پر پہنچے پھر ایک صاف اور پاکیزہ سرزمین پر پہنچے میں نے جبرائیل سے پوچھا ہم نے پہلے ایک ابر آلود بدبودار زمین پر سفر کیا پھر صاف اور پاکیزہ سرزمین پر تو جواب دیا وہ جہنم کی زمین تھی اور یہ جنت کی زمین ہے پھر میری ایک شخص سے ملاقات ہوئی جو کھڑے ہو کر نماز پڑھ رہے تھے پوچھا اے جبرائیل (علیہ السلام) آپ کے ساتھ کون ؟ تو جواب دیا آپ کے بھائی محمد (صلی اللہ علیہ وآلہ وسلم) ہیں انھوں نے مجھے مرحباکہا اور میرے لیے برکت کی دعاء کی اور فرمایا اپنی امت کے لیے آسانی کی درخواست کرنا میں نے پوچھا اے جبرائیل (علیہ السلام) یہ کون ہیں بتایا آپ کے بھائی موسیٰ (علیہ السلام) ہیں تو میں نے کہا کس کے سامنے آواز بلند کررہے تھے اور جرأت کررہا تھا اپنے رب کی سامنے ؟ انھوں نے بتایا ہاں وہ اپنے رب کی آواز سے واقف ہیں وہ ان سے ہم کلام ہوچکے ہیں پھر ہم چلتے رہے میں نے آگے کچھ چراغ اور روشنی دیکھی تو پوچھا اے جبرائیل (علیہ السلام) یہ کیا ہیں : تو بتایا یہ آپ کے والد ابراہیم (علیہ السلام) کے درخت ہیں میں پوچھا کہ اس کے قریب جاؤں ؟ تو بتایا ہاں ہم اس کے قریب ہوئے میرے خیر کی دعاء کی اور مرحبا کہا پھر ہم بیت المقدس پہنچے اور میں نے اپنے براق کو اس حلقہ کے ساتھ باندھا جس سے انبیاء (علیہم السلام) اپنے جانوروں کو باندھا کرتے تھے پھر مسجد میں داخل ہوگئے میرے لیے انبیاء (علیہم السلام) جمع کئے گئے ان کو بھی جن کا نام اللہ نے کتاب اللہ میں ذکر فرمایا اور وہ بھی جن کا نام مذکور نہیں میں نے ان کو نماز پڑھائی۔ مگر ان تین یعنی ابراہیم موسیٰ (علیہ السلام) البزار طبرانی مستدرک بروایت ابن مسعود (رض) تھوڑے لفظی تغیر کے ساتھ ابویعلی ضعیف الجامع 13 الضعیفہ 1798